تصميم واجهة موقع احترافية وعصرية باستخدام HTML,CSS, js,react

الوصف

عايز واجهة موقع شكلها شيك وسريعة وتدي انطباع احترافي عن شغلك؟
أنا يوسف بكير، مطوّر واجهات (Front-End Developer)، شغلي كله في تصميم وتطوير واجهات مواقع احترافية باستخدام HTML, CSS, JavaScript, React, Tailwind أو Bootstrap.

في الخدمة دي هصمملك واجهة موقع كاملة من صفحة واحدة (Landing Page) فيها كل الأقسام الأساسية زي:

الهيدر (الشعار + القايمة العلوية)
القسم الرئيسي (Hero Section)
قسم تعريفي عنك أو عن شركتك
قسم المميزات أو الخدمات
قسم تواصل معنا أو الفوتر


إيه اللي هتستلمه؟
صفحة ويب كاملة جاهزة للتسليم
هتستلم موقع شغال وجاهز للعرض أو الرفع على السيرفر مباشرة، فيه كل الأقسام المطلوبة ومجهز بكل التفاصيل.

كود نظيف ومنسق باستخدام HTML/CSS/JS أو React حسب الاتفاق
الكود مكتوب بطريقة منظمة وسهلة الفهم، علشان تقدر تعدّل عليه في أي وقت من غير أي تعقيد.

تصميم متجاوب يشتغل كويس على كل الأجهزة
الواجهة بتشتغل بنفس الجودة على الموبايل، التابلت، والكمبيوتر، عشان المستخدم يشوف تجربة ثابتة في كل الحالات.

ملفات المشروع كاملة
هتستلم كل ملفات المشروع الأصلية سواء HTML/CSS/JS أو ملفات React، جاهزة للتسليم أو التعديل.

دعم فني بعد التسليم لمدة 3 أيام
لو واجهت أي مشكلة بسيطة أو احتجت توضيح بعد التسليم، هكون متابع معاك لحد ما كل حاجة تبقى تمام.


مميزات الخدمة
تصميم عصري
ستايل حديث ومواكب لآخر تريندات التصميم، يخلي موقعك يبان بشكل احترافي ويشدّ الزوار من أول نظرة.

كود نظيف وسهل التعديل
بكتب الكود بشكل منسق وواضح عشان تقدر تتعامل معاه بسهولة بعدين أو تضيف عليه مبرمج تاني.

التزام بالمواعيد
بسلّمك شغلك في الوقت المتفق عليه من غير تأخير، وبتابع معاك خطوة بخطوة لحد التسليم النهائي.

دعم فني بعد التسليم
مش مجرد تسليم وخلاص، هتابع معاك بعد التسليم لأي استفسار أو تعديل بسيط لحد ما تبقى راضي تمامًا عن النتيجة.