في المشروع ده اشتغلت على فيديو طبي قصير (Reels/Shorts) خاص بطب وزراعة الأسنان. الهدف الأساسي في النوع ده من الفيديوهات هو تبسيط المعلومة الطبية وتقديمها بشكل سريع وجذاب يشد انتباه المشاهد من أول ثانية ويخليه يكمل للآخر.

عشان أحقق ده، ركزت في المونتاج على النقط دي:
• تظبط الإيقاع (Fast Pacing): قص كل السكتات والتردد في الكلام عشان الفيديو يكون تفاعلي ومفيش فيه أي لحظة ملل.
• النصوص المتحركة (Dynamic Captions): إضافة نصوص متزامنة مع الكلام، مع تلوين الكلمات المفتاحية (زي ما واضح في الفيديو) عشان المشاهد يفضل مركز مع المعلومة.
• العناصر البصرية والصوتية: إضافة أيقونات وصور توضيحية (B-roll) بتظهر مع الشرح، وربطها بمؤثرات صوتية (SFX) دقيقة جداً عشان تدي حيوية للفيديو.
• الصوت والألوان: تنقية الصوت وتظبط مستوياته، مع تعديل بسيط للألوان عشان تناسب هوية الفيديوهات الطبية.