تحويل بيانات Excel أو CSV إلى داشبورد تفاعلي على Power BI

الوصف

عندك بيانات في Excel أو CSV، وبتحتاج كل مرة تراجع الجداول وتعمل حسابات يدوية علشان تعرف أداء المبيعات أو المنتجات أو الفروع ؟
هساعدك ان شاء الله تحوّل بياناتك إلى داشبورد تفاعلي باستخدام Power BI، يعرض أهم مؤشرات الأداء في صورة واضحة ومنظمة، ويسهّل عليك كمان متابعة الأرقام بدل ما تضطر ترجع للجداول وتعيد الحسابات كل مرة .

إيه اللي هتستلمه مني؟
1 -داشبورد مكونه من 3 صفحات بتصميم مرتب وفلاتر حسب الفترة أو المنتج أو الفرع أو المنطقة
2 - ملف Power BI بصيغة PBIX قابل للتعديل
3 - مؤشرات أداء ورسوم بيانية وفلاتر تساعدك على استكشاف البيانات
4 - تجهيز أساسي للبيانات باستخدام Power Query حسب ما يحتياج الملف
5 - مقاييس DAX لحساب المؤشرات المطلوبة حسب الأعمدة المتاحة
6 - ملخص مختصر لأهم النتائج، مع توضيح طريقة قراءة التقرير واستخدام الفلاتر

بشتغل ازاى ؟

1 - تبعت ملف ال Data وتوضح الأسئلة اللي محتاج الداشبورد يجاوب عنها
2 - براجع الملف وأحدد إذا كانت البيانات مناسبة للتنفيذ، وأبلغك بأي مشاكل في ال Data قبل ما نبدأ
3 - بجهز البيانات وبتعامل مع التكرارات والتنسيقات غير الموحدة حسب الحاجة
4 - بنظم العلاقات بين الجداول وبجهز مقاييس ال DAX المناسبة للتحليل
5 - أصمم الداشبورد وأضبط الرسوم والفلاتر بما يتناسب مع اللي حضرتك طالبه
6 - أسلّمك ملف PBIX والملخص المتفق عليه

نطاق الخدمة :
1- مصدر بيانات واحد بصيغة Excel أو CSV ولو اكتر هنتفق
2 - عدد المؤشرات والرسوم بيتحدد حسب طبيعة البيانات واحتياجات التحليل

حاجات لازم تعرفها قبل ما نتعاما مع بعض :
1 - لو في قيم ناقصة أو غير واضحة، هبلغك بيها وأستنى قرارك. مش هفترض أو أغيّر أي قيمة من عندي
2 - جودة الداشبورد مرتبطة بجودة البيانات لو الملف مش مناسب للخدمة هقولك قبل ما نبدأ
3 - بياناتك بتتستخدم في تنفيذ الخدمة بس ومش بتتشارك مع أي طرف

وده شغلي لو حابب تبص عليه :

https://app.powerbi.com/groups/me/reports/14dd4ded-b2df-4898-ab12-0fc397009376/24b414b89cd55d935fd0?experience=power-bi

https://app.powerbi.com/groups/me/reports/160b90b9-9b32-4ddb-b841-4ff21355d6c2/a8907796838c0b4a4c83?experience=power-bi