اساعدك في اتمتة المهام المهام المتكرره لتوفير الوقت و المال

الوصف

أنا زياد طارق ، وبشتغل على أتمتة الشغل المتكرر باستخدام أداة اسمها n8n و UiPath

الفكرة ببساطة إن أي حاجة بتعملها كل يوم بإيدك، زي نقل بيانات من فورم لشيت، أو إرسال إيميل لكل شخص يسجل عندك، أو متابعة طلبات في ملف إكسل، ممكن تتعمل لوحدها من غير ما تلمسها.

مثال على اللي أقدر أعمله: عميل عنده فورم تسجيل، وعايز كل مرة حد يملأه تتحفظ بياناته في Google Sheets ويوصله إيميل تأكيد، ولو الطلب محتاج موافقة يوصل لمديره إيميل فيه زرار قبول أو رفض. ده نوع الشغل اللي اشتغلت عليه وجربته.

هسلمك الأتمتة شغالة ومجربة، ومعاها شرح مكتوب بسيط تعرف بيه تعدل عليها أو تشغلها.

قبل ما تطلب، ابعتلي رسالة واشرحلي الشغل اللي عايز تؤتمته. لو شايف إنه مش هينفع، هقولك من الأول ومش هاخد منك فلوس على حاجة مش هعملها.

مدة التنفيذ في الغالب من يومين لأربعة أيام حسب تعقيد الشغل، وبعد التسليم أعدل لك أي نقطة مش مظبوطة مرة واحدة من غير مقابل.