تصميم سوشيال ميديا احترافي

الوصف

كلنا بنتصفح السوشيال ميديا بشكل يومي، وبتمر قدامنا مئات الإعلانات وعلي الأغلب بنعديها... لكن ساعات بنلاقي نفسنا ووقفنا قدام إعلان معين شدنا من غير ما نعرف حتى لو مكناش محتاجين المنتج نفسه، السؤال هنا بقا ايه اللي خلي التصميم دا بالذات يوقفنا؟

قبل ما تبص بعينك على أي حاجة عقلك الباطن بيكون شافها وحللها كويس، وعلى حسب الإحساس اللي وصل لعقلك من تراكب الألوان وتناسق عناصر الجذب في الحاجة دي، هنا بيقرر إذا كان يقف ولا لا.

وبنفس الفكرة في تصميمات السوشيال ميديا، لو التصميم ألوانه متناسقة وعناصر الجذب الأساسية متوزعة صح، وفي نفس الوقت وجود مساحة بدون عناصر عشان التصميم يتنفس ويكون كله مكمل لبعضه، هنا بنقف قدام التصميم فعلاً.

وهنا تيجي مهمتي، بأكتر من 30 تصيميم سوشيال ميديا مختلفة بالتعامل مع اكتر من 1000 نوع ودرجة لون مخلفة، أقدر أضمنلك تصميم يكون مميز بصرياً وقادر علي أنه يشد عين العميل من وسط ألف تصميم!

موجود قدامك مثالين لتصميمات أنا بالفعل عملتها، ولو لسه عايز تشوف وتعرف أكتر، تقدر تزور صفحتي وتطلع علي البورتفوليو الخاص بي.
شكراً لمرورك!