صميم منيو إلكتروني (QR Menu) احترافي لمكانك.. بدون أي اشتراكات!

الوصف

لسه بتصرف فلوس كتير على طباعة المنيو الورقي كل ما سعر يتغير أو صنف جديد ينزل؟
وفر فلوس الطباعة وانقل شغلك (كافيه، مطعم، محل، أو عيادة) لمستوى ديجيتال أسرع وأشيك!

أنا بقدم لك خدمة تصميم "منيو إلكتروني / قائمة أسعار" بيفتح للزبون في ثواني بمجرد ما يمسح الـ QR Code بكاميرا موبايله.

ليه الخدمة دي هي أحسن استثمار لمكانك؟

💡 مفيش اشتراكات نهائي (مدى الحياة): هتدفع تكلفة التصميم مرة واحدة بس، مفيش أي مصاريف استضافة لا شهرية ولا سنوية، اللينك بتاعك وهيفضل شغال على طول.

⚙️ لوحة تحكم من موبايلك: عشان الأسعار بتتغير كل يوم، هربطلك المنيو بـ (شيت إكسيل - Google Sheets) بسيط جداً. تقدر من موبايلك تعدل أي سعر، أو تضيف وتحذف منتجات في ثانية واحدة، وهتلاقي المنيو اتحدث عند الزباين فوراً بدون ما تحتاج ترجعلّي!

🎨 تصميم فخم يفتح النفس: واجهة شيك جداً، سريعة، ومظبوطة بالمللي على كل شاشات الموبايلات عشان تدي انطباع محترم لمكانك.

🚀 دليفري أسرع: هعملك زراير تفاعلية، الزبون يقلب في المنيو ويدوس على "اطلب عبر الواتساب" الأوردر يجيلك في رسالة فوراً، وكمان هربطلك صفحات السوشيال ميديا بتاعتك عشان تزود متابعينك.

🔍 تفاصيل واضحة: ميزة الـ (زوم) بتخلي الزبون يدوس على أي صورة أو قسم يكبره ويقرأ التفاصيل براحته.

مقابل السعر الأساسي للخدمة هسلمك:

تصميم واجهة المنيو وإضافة منتجاتك (حتى 3 أقسام رئيسية أو 20 منتج كبداية).

رابط الموقع المجاني الخاص بيك.

صورة الباركود (QR Code) بجودة عالية جداً جاهزة للطباعة على الترابيزات أو أكياس الدليفري.

(لو المنيو بتاعك كبير وفيه منتجات كتير، تقدر تشوف التطويرات الإضافية للخدمة بالأسفل).
ابعتلي رسالة دلوقتي، خلينا ندردش في التفاصيل وأعملك تصميم يشرف اسم مكانك!