كتابة مقالات تقنية عربية (AI، برمجة) - من مهندس بنى مشاريعه بنفسه .

الوصف

السلام عليكم، دلوقتي انت عندك موضوع تقني (AI، برمجة، أدوات جديدة أو غير ذلك ....)  وعايز تشرحه لجمهورك بالعربي، بس كل مرة تجرب تكتبه بنفسك أو توكل حد يكتبه لك ، النتيجة بتكون إما ترجمة حرفية جافة من مصدر إنجليزي، أو مقال سطحي مليان معلومات عامة أي حد يلاقيها بـ بحث بسيط.
بس جمهورك مش عايز كده ،عايز حد فاهم الموضوع فعلاً وقادر يبسطه من غير ما يفقد العمق.

ليه أنا بالذات اقدر اعمل كده ؟
مش بكتب عن تقنية قريتها في مقال  بكتب عن تقنية بنيتها بإيدي ، عندي مشاريع AI حقيقية ، مش أفكار على الورق:
• منصة تبيان لتصحيح تلاوة القرآن الكريم و القراءات العشر بالذكاء الاصطناعي .
• منصة معمار للمقالات التقنيه .
• أنظمة RAG وNLP عربي بنيتها من الصفر لمشاريع فعلية
يعني لما أشرحلك حاجة تقنية معقدة زي RAG أو Fine-tuning أو حتى موضوع برمجي عادي، بشرحها من موقع اللي بناها بإيده، مش اللي قراها في مقال وأعاد صياغته.

الباقات
📦 مقال واحد :
10$  و تسليم خلال 3 أيام | مراجعتين مجانيتين ضمن السعر .
📦 باقة شهرياً :
• ٤ مقالات شهريه ب ٣٥$
• ٨ مقالات شهرياً ب ٦٥$

مناسبة لو عندك مدونة أو صفحة تقنية محتاجة محتوى منتظم | خطة محتوى مقترحة مجانية كل شهر (5 أفكار مقالات بناءً على تخصصك).
ابعتلي موضوعك + الجمهور المستهدف، وهبعتلك مقدمة المقال (150-200 كلمة) مجاناً كعينة على أسلوبي
إيه اللي هتاخده إضافي من غير ما تدفع فيه؟
✅ خطة محتوى مجانية شهرياً (5 أفكار مقالات بناءً على تخصصك)
✅ عينة مجانية على أسلوبي (مقدمة 150-200 كلمة) قبل ما تقرر
✅ مراجعتين مجانيتين على كل مقال
✅ قائمة مصادر موثوقة (3-5 روابط لأبحاث/توثيق رسمي إنجليزي) في نهاية كل مقال - بتوصلك في ملف منفصل
✅ 3 عناوين بديلة تختار الأنسب منهم بدل عنوان واحد بس
✅ جملة SEO/Meta description (150 حرف) جاهزة لو المقال هينشر على مدونة
✅ ميتنج شهري 15 دقيقة (لعملاء الباقات الشهريه) لمناقشة اتجاه المحتوى العام
إزاي بنشتغل مع بعض (خطوة بخطوة)
1️⃣ تبعتلي موضوع المقال، وأنا هبعتلك فورًا 5 أسئلة سريعة  - 10 دقايق بس وبتوفر علينا رسايل كتير لاحقاً
2️⃣ هبعتلك Outline (مخطط المقال) للموافقة قبل ما أبدأ الكتابة الفعلية - كده متتفاجئش بحاجة بعيدة عن اللي في بالك
3️⃣ مسودة أولى → تديني ملاحظاتك → نسخة نهائية

إيه اللي داخل كل مقال؟
✅ TL;DR في البداية - القارئ يفهم القيمة من أول ثانية ( اختياري ).
✅ مقال 1000 الي 1500 كلمة .
✅ مراجعتين مجانيتين ضمن السعر.
✅ رد على رسايلك خلال 4-6 ساعات خلال أيام الأسبوع .

ملحوظة مهمة: أي تعديل خارج نطاق الاتفاق الأساسي (زي تغيير الموضوع كلياً بعد الموافقة على الـ Outline) بيتحسب بسعر إضافي منفصل، متفق عليه قبل ما نبدأ - كده الاتفاق واضح للطرفين من أول لحظة ومفيش مفاجآت.

أسئلة هتخطر في بالك
1️⃣ تقدر تكتب بأسلوب مدونتي الحالي؟
اه، ابعتلي رابط 2-3 مقالات من عندك وهقلد النبرة العامة.
2️⃣ لو الموضوع مش تخصصي المباشر؟
هقولك بصراحة تامة من البداية، وإما هبحث فيه بعمق فعلي وأديك مسودة، أو أرشحلك حد أنسب - مش هوافق وأنا مش متأكد إني هقدر أديك الجودة اللي تستاهلها.
3️⃣ هل ممكن أطلب موضوع مستعجل؟
كلمني الأول قبل الطلب، لو جدولي فاضي هظبط المدة معاك.
--------------------
من مهندس بيؤمن إن أعقد فكرة تقنية ممكن تتشرح ببساطة من غير ما تفقد عمقها.