الباحث عن عمل غالبًا بياخد وقت طويل في مقارنة كل وظيفة يشوفها مع الـCV بتاعه عشان يعرف هل يقدم فعلاً ولا لأ. بنيت AI Agent على n8n بيستقبل وصف الوظيفة من المستخدم على Telegram، ويحدد الأول نية الرسالة (تقييم وظيفة، سؤال عن الـCV، استشارة مهنية، أو مجرد كلام عادي) قبل ما يتصرف. لو الرسالة فيها متطلبات وظيفة، الـAgent بيجيب بيانات الـCV من Supabase، ويقارنها بمتطلبات الوظيفة حسب معايير واضحة حطيتها في الـprompt: مهارات، خبرة، مشاريع، تعليم، شهادات، وبيحسب Fit Score من صفر لمية مع توصية واضحة يقدم ولا لأ. النتيجة بترجع كـJSON منظم عن طريق Structured Output Parser، تتحفظ في Supabase، وبعدين بتتحول لرسالة واضحة ومقروءة على Telegram فيها المهارات المتطابقة والناقصة ونقاط القوة والفجوات. النتيجة أداة بتقلل الوقت المهدر في مراجعة كل وظيفة يدويًا وبتديك صورة واقعية لمدى ملاءمتها قبل ما تقدم.